Blue Lagoon

බ්ලූ ලැගූන් - කිව්ව ගමන් මතක් වෙන්නේ බෲක් ෂීල්ඩ්ස්. කොල්ලගේ නම තියා රූපෙවත් මතක නෑ. එත් බෲක් ෂ්ල්ඩ්ස් අදටත් ළොව ජනප්‍රිය චරිතයක්. මේකේ අනිත් පැත්ත ටයිටැනික් චිත්‍රපටය. ඒකේ උනෙ ලිනාඩෝ ඩි කැප්‍රියෝ ජනප්‍රිය වීම. බෲක් ෂීල්ඩ්ස් ඉපදුනේ ඇමරිකාවේ ලොස් ඇන්ජලීස් වල. හොඳ වර්ෂයක ඒ කියන්නේ 1965. හිතාගන්න පුළුවන්නේ ඇයි කියලා. එයා නිරූපිකාවෙක් වෙන්නේ මාස 11 දී. ඒ වගේම ළෝකප්‍රසිද්ධ වෝග් සඟරාවේ කවර සරසපු අඩුම වයස්කාරී. ඒ අවුරුදු 14 දී.

එයාගේ මුල්ම චිත්‍රපටිය "ප්‍රිටි බෙබී." (මෙහි පින්තූර මගේ ළඟ තිබුනත් ඒවා නම් දාන්න බෑ.) ඒකේ රඟපාන කොට වයස අවුරුදු 11. නිරුවත් දර්ශන ගොඩයි. ච්ත්‍රපටිය හදපු අයට බාල අපරාද චෝදනාත් එල්ල උනා. කොන්ග්‍රසය දක්වා ප්‍රශ්නය ඇදිලා ගියා. ඒ කෙසේ වෙතත් ඒ අන්දෝලනෙත් එක්කම බ්ලූ ලැගූන් චිත්‍රපටය එනවා. ඒකේ තිබුන ලිංගික දර්ශන වල ඉන්නේ වෙන කෙනෙක් කියලා පස්සේ කාළේදි එලිඋනා. බ්ලූ ලැගූන් බලන්න අපේ කට්ටිය මරාගත්තා. පුදුම ලස්සන චිත්‍රපටියක්. මේ නිසා බෲක් ෂීල්ඩ්ස්ගේ වටිනාකම වැඩිඋනා. 

ටෙනිස් ක්‍රීඩක, අන්ද්‍රේ අගාසි සමග විවාහ උන බෲක්, ඉන්පස්සේ දික්කසාද වෙනවා. අන්දේ සුප්‍රසිද්ද ටෙනිස් ක්‍රීඩීකා ස්ටෙෆී ග්‍රාෆ් හා විවාහ වෙනවා. බෲක් ෂීල්ඩ්සුත් නැවත විවාහ වෙනවා. ලස්සනම ලස්සන පැටව් දෙන්නෙකුත් ඉන්නවා. පොතකුත් ලිව්වා. එයාම ලිව්වද කියන්න නම් දන්නේ නෑ. නමුත් ඒකෙනුත් ප්‍රකෝටී ගානක් ඉපයූවා. මයිකල් ජැක්සන් එක්කත් පොඩි හුටපටයක් තිබුනා කාළයක්. කොහොම හරි ව්යස මාස 11 දී නිරූපිකාවක් ලෙස තොරාගත් පුද්ගලයා කියපු අනාවැකියනම් හරියටම හරි ගියා. මොකක්ද දන්නවද එයා කිව්වේ. "මේ පැටියා සල්ලි උල්පතක්."

තව එකම එක දෙයක් කියන්න තියෙනවා කෙල්ලො තරහ උනත් නැතත්. අපේ කෙල්ලො ලස්සනට තියෙන ඇහි බැම් ගාලා පැන්සල් වලින් ඇඳගෙන යනවා. බලන්න ඇහි බැමක වටිනාකම.